Krúser fagnar með Kvartmíluklúbbnum – Taktu þátt í 50 ára afmælisveislu!

Það er okkur sönn ánægja að tilkynna að Krúser tekur að sjálfsögðu virkan þátt í stórglæsilegri 50 ára afmælissýningu Kvartmíluklúbbsins! Þetta verður sannkölluð bílaveisla sem enginn áhugamaður má láta fram hjá sér fara.

Á staðnum verða um 250 tryllitæki, keppnistæki, mótorhjól og ekki síst  einstakt úrval af glæsilegum bílum – nýjum og gömlum – glæsivögnum sem fanga augað og kveikja áhugann. Við lofum frábærri stemningu og einstakri sýn á þá fjölbreyttu og glæsilegu flóru farartækja sem félagar okkar búa yfir.

Við hvetjum alla, félaga sem og aðra bílaáhugamenn, til að fjölmenna í Knatthús Hauka og upplifa þessa einstöku sýningu með okkur. Þetta er tækifæri til að sjá magnaða bíla, hitta annað áhugafólk og fagna stórafmæli Kvartmíluklúbbsins með stæl. Á staðnum verða auk farartækja kynningarbásar frá ýmsum fyrirtækjum og kappaksturshermir þar sem hægt verður að keyra hringakstursbraut Kvartmíluklúbbsins!

ÓSKUM EFTIR AÐSTOÐ: Til að gera okkar bás og þátttöku sem glæsilegasta vantar okkur öfluga Krúser félaga til að leggja hönd á plóg við uppsetningu í húsinu fyrir sýninguna. Allar hendur eru vel þegnar! Látið endilega í ykkur heyra ef þið getið aðstoðað.

Upplýsingar um sýninguna:

• Hvað: Bíla- og tækjasýning Kvartmíluklúbbsins (50 ára afmæli)
• Hvar: Knatthús Hauka, Ásvöllum, 221 Hafnarfirði
• Hvenær:
  • Föstudagur 30. maí: kl. 17:00 – 22:00
  • Laugardagur 31. maí: kl. 10:00 – 22:00
  • Sunnudagur 1. júní: kl. 10:00 – 17:00
• Aðgangseyrir:
  • Dagpassi: 2.500 kr. (Frítt fyrir 12 ára og yngri í fylgd með fullorðnum)
  • Helgarpassi (gildir alla dagana): 4.000 kr.

Mætum öll og gerum þetta að ógleymanlegri bílahelgi!