N1 gefur Krúser félögum veglegan afslátt af eldsneyti hvort sem þeir eru með N1 viðskiptakort eða greiðslulykil. Auk þess sem þeim bjóðast ýmis tilboð og afsláttur hjá N1, fylgist með tilboðunum á www.n1.is.

Takið eftir að Krúser kortið veitir ekki afslátt hjá N1, aðeins viðskiptakort eða greiðslulykill. Sótt er um viðskiptakort fyrir alla nýja Krúser félaga.

Þegar greitt er í vara og aukahlutaverslunum N1 þarf að framvísa viðskiptakorti eða greiðslulykli N1 til að fá Krúser afsláttinn 🙂 en hann er 7-30% eftir vöruflokkum.

Varðandi eldsneytisafsláttinn þá erum að fá Kr. xx,50 af listaverði (eða x,50 af sjálfsafgreiðsluverði skrifum xx svo enginn verði öfundsjúkur ) + 2Kr í formi safnkortspunkta = xx,50 af lítranum. Safnkortspunktana er t.d. hægt að nota til að kaupa bensín, bara stinga kortinu í bensíndæluna.

Verðið á dælunni lækkar einfaldlega þegar hún áttar sig á að þarna er Krúser félagi á ferð :).  Á „mínum síðum“ hjá N1 kemur fram yfirlit yfir viðskiptin og þar er líka hægt að sjá stöðu safnkortspunkta.

Krúser félagar greiða ekkert aukalega þó þeir nýti sér fulla þjónustu á bensínstöðvunum, þeir greiða sama verð fyrir dropann dýrmæta hvort sem þeir kjósa að dæla sjálfir eður ei.

Fyrir þá sem vilja vera sérstaklega tæknilegir er hægt að ná í N1 appið fyrir snjallsíma, með því er hægt að kaupa eldsneyti, skoða yfirlit yfir viðskipti og margt fleira.

Upplýsingar um tilboð og úrval vöru og þjónustu hjá N1