Skoðunardagurinn verður í næstu viku 4. til 8. maí 2009.

Við tökum með okkur grillið góða og skemmtum okkur pínulítið í leiðinni.

Við ákveðum daginn endanlega eftir veðurspá en við reynum að velja þurran dag og munum senda SMS með stuttum fyrirvara til að láta vita hvaða dagur verður fyrir valinu.

Skoðunartími verður frá kl 17 og fram undir kl 21 en gott er að mæta snemma.
Skoðað er á sama stað og undanfarin ár hjá Aðalskoðun við Helluhraun í Hafnarfirði.

Verðið á skoðun bílaflota Krúser-meðlima er eftirfarandi:

Tilboð fyrir okkur á sérstökum skoðunardegi:

• Verð fyrir skoðun á fornbíl (25 ára og eldri) kr. 1500.-
• Verð fyrir skoðun á öðrum bílum Krúser-meðlima á skoðunardegi er Kr. 4595.- ( 50% afsl frá skoðunargjaldi.)

Verð fyrir skoðun alla aðra daga ársins fyrir Krúser-meðlimi kr. 6268.- ( 25% afsl af skoðunargjaldi.)

Takið eftir að fullt verð fyrir skoðun fólksbíla er kr. 7940 þeir sem mæta með fjölskyldubílinn á skoðunardeginum fá því kr. 3345 í afslátt og þeir sem koma með fornbíl fá Kr. 6440 í afslátt.

Þess má í gamni geta að félagsgjald í Krúser er Kr. 2000, þannig að þið fáið það til baka og rúmlega það.

Við minnum á að þessi kjör fá menn og konur aðeins með því að framvísa félagsskírteini Krúser þegar mætt er í skoðun (skírteinið þarf að vera fyrir árið 2009).

Þeir sem eru búnir að borga og eiga eftir að fá límmiða á kortið sitt geta sótt hann á Bílshöfðann á fimmtudag, félagar úti á landi vinsamlega sendið okkur póst ef þið viljið fá miðann sendan. Ekki verður hægt að taka við félagsgjöldum og afhenda miða á skoðunardaginn.

Hér eru upplýsingar um hvernig hægt er að greiða félagsgjaldið

Kynnið ykkur upplýsingar um önnur afsláttarkjör og hvernig hægt er að gerast félagi í Krúser

Okkur vantar ennþá GSM síma og netföng hjá nokkrum félögum, því er auðvelt að kippa í liðinn: Senda inn leiðréttingu á skráningu í félagaskrá (símanúmer, netföng, bíll, heimili o.s.frv.)

Okkur þætti vænt um að þeir sem ekki vilja vera félagar í Krúser létu okkur vita með því að senda póst á kruser@kruser.is

Krúser – bara gaman 🙂