Krúserkvöld á morgun
10 ágúst, 2011 eftir bg
Á morgun er fimmtudagur og þá hittast Krúser félagar að Höfðabakka 9 eins og öll fimmtudagskvöld. Menn hafa verið duglegir að rúnta í vikunni, enda einmuna blíða og við förum örugglega á rúntinn á morgun líka.
Það er heilmikið af viðburðum framundan hjá Krúser á næstunni:
Næsta laugardag tekur Krúser þátt í fjölskylduhátíð í Vogum eins og í fyrra. Lagt verður af stað frá Höfðabakka 9 kl 13:00.
Um helgina erum við einnig sérstaklega velkomin á Aldamótahátíð á Eyrarbakka, sem stendur yfir 12.-14.ágúst.
Næsta fimmtudag 18. ágúst verður GoPro Hero myndavélin kynnt á Krúserkvöldi
Fimmtudaginn, 25. ágúst er stefnt á Krúserkvöld og bílasýningu á planinu hjá N1 Krúserbandið og þrumustuð á planinu 🙂
Laugardaginn 27. ágúst leiða gamlir bílar og flugvélar saman hesta sýna á flugvellinum á Tungubökkum á sýningunni Wings and Wheels 2011
Laugardaginn 3. september er svo Krúser bílasýning á Ljósanótt
Viðburðirnir verða kynntir betur á vefnum og hægt er að skoða nánari upplýsingar í viðburðadagbókinni
—
Krúser – bara gaman