Eins og glöggir hafa eflaust tekið eftir hefur Krúser opnað nýjan og glæsilegan vef sem gerir notendum og meðlimum auðveldara um vik við að skoða fréttir, myndir og viðburði tengda klúbbnum. Allar helstu upplýsingar um klúbbinn má finna á síðunni, hvernig má ganga til liðs við hann, meðlimaskrá, myndir, spjall og hvenær fundir eru haldnir. Við vonum að þetta verði til þess að enn fleiri bætist í hóp bílaáhugamanna og láti sjá sig á fundum og samkomum.

Nýtt spjall er einnig í vinnslu og verður það vonandi komið upp sem fyrst svo að notendur og gestir geta rætt mál sín á milli.

Að lokum langar mig til að minnast á að fundir eru haldnir ÖLL fimmtudagskvöld í ALLAN vetur frá kl. 20.00 – 23.00 að Bíldshöfða 18.

Vonumst til að sjá sem flesta!