Þann 3. mars árið 2006, var formlega stofnaður bílaklúbbur sem fékk nafnið “ Krúser „.

Krúserklúbburinn á því 15 ára sögu, og má fullyrða að með tilkomu félagsins hafi áhugi fólks á þessu áhugamáli aukist til muna og margir fundið farveg fyrir áhuga sinn á klassískum bílum.

Það var því löngu séð og orðið tímabært að stofna félagsskap þegar þarna var, það væri þörf fyrir meiri fjölbreytni í bílaklúbba flórunni. Krúser dafnaði því hratt og örugglega og sprengdi utan af sér hvert athvarfið af öðru. Meðlimum fjölgaði að sama skapi, enda var félagsandinn frábær og starfsemin gefandi.
Krúser er með frábæra aðstöðu fyrir starfsemi sem þessa, þar sem allt er til alls til þess að félagar geta látið sér líða vel og notið þess að vera til.

Á meðan við bíðum þess að við getum farið að hittast á ný, getum við stytt okkur stundir við að skoða myndirnar okkar á „flikkernum“. Þar eru 12000 myndir frá viðburðum okkar gegnum árin.

Svo er bara að fara að bóna og pumpa í dekk á drossíunum og gera allt klárt….þetta fer alveg að koma.
KRÚSER…..ALLTAF GAMAN ALLTAF. 😊😁😁😁😎😎😎