Skoðunardagur Krúsera fór fram í kvöld hjá Aðalskoðun í Hafnarfirði. Skoðaðir voru rúmlega 70 fornbílar og fengu lang flestir fulla skoðun, enda reyna Krúserar að hafa bílana sína í lagi þó stundum sé erfitt að fá í þá réttu varahlutina.

Að skoðun lokinni hélt nýstofnuð hljómsveit Krúser bandið tónleika í skoðunarstöðinni við frábærar undirtektir viðstaddra. Grillmeistarar Krúser stóðu við grillið og viðstaddir hesthúsuðu tæplega 200 hamborgara.

Við þökkum starfsfólki Aðalskoðunar fyrir frábæra þjónustu, Krúser bandinu, grillmeisturunum og að sjálfsögðu Krúser félögum sem þátt tóku.

Krúser – Bara gaman 🙂