Þá er komið að því. Skoðunardagur fyrir fornbíla Krúsera verður á morgun fimmtudaginn 20. maí 2010. Skoðað er hjá Aðalskoðun Hjallahrauni 4 í Hafnarfirði sjá Kort. Mæting kl. 17:00 aðeins verða skoðaðir fornbílar Krúser félaga sem eiga að mæta á þessu ári (eru með skoðunarmiða 2010).

Skoðunargjaldið er aðeins 1900 krónur, framvísa þarf Krúser félagsskírteini með 2010 límmiða til að fá afsláttinn.

Þeir Krúser félagar sem eru nýbúnir að borga fá límmiðann sinn á staðnum.

Á morgun er fimmtudagur, Bíldshöfðinn verður lokaður en við ætlum á rúntinn eftir skoðun. Þeir sem ekki þurfa að láta skoða mæta í Hafnarfjörðinn kl. 20 og fara með okkur á rúntinn.

Grillið góða verður á sínum stað og Krúser félagar fá hamborgara og Coke meðan birgðir endast.

Við minnum Krúserfélaga sem eiga eftir að borga félagsgjöld 2010 að ganga frá því sem fyrst. Eftir næstu mánaðarmót detta þeir sem ekki hafa greitt út af félagaskrá og missa um leið frábær afsláttarkjör sem Krúserfélögum einum bjóðast.

Krúser – bara gaman