Eftir frábært „rúntsumar“, sem er nú óðum að taka á sig hauststemmningu hjá okkur Krúserum er okkur efst í huga þakklæti til allra þeirra félaga sem gerðu sumarið að ógleymanlegri stemmningu með frábærri mætingu og jákvæðum félagsanda sem gerði rúntana okkar svona skemmtilega.

Sem sagt „BARA GAMAN“ eins og við viljum hafa það.

Og þegar talað er um hauststemmningu þá er átt við dagskrá sem er á planinu fyrir veturinn fram að þeim tíma sem við bíðum eftir ALLIR…. sem sagt: ….NÆSTA SUMRI !

Haustið byrjaði með Pool-haustmóti sem var vel sótt og urðu sigurvegarar: Gunnar Ævarsson og Pálmar Davíðsson.

Ljósmyndasýning Guðfinns Eiríkssonar er komin á myndaveggina og er þemað „sumarið 2o17“.

Það má geta þess að allar myndirnar á sýningunni eru til sölu og hægt verður að panta á staðnum.

Ýmislegt verður við að vera fram eftir vetri, t.d. kemur John D’ Agostino í heimsókn í byrjun desember og sýnir okkur myndir af nýjustu kustom-bílasmíði sinni og margt annað verður á boðstólum sem sagt verður frá síðar.

Krúser ALLTAF gaman ALLTAF 🙂